(१) लगानीकर्ताले
सम्झौतामा उल्लिखित अवधिभित्र परियोजना कार्यान्वयन गर्न प्रारम्भ गर्नु पर्नेछ ।
(२) उपनियम (१) बमोजिमको अवधिभित्र परियोजना कार्यान्वयन गर्न प्रारम्भ
गर्न नसकिने मनासिव कारण भएमा त्यस्तो कारण खुलाई सम्बन्धित लगानीकर्ताले
त्यस्तो अवधि भुक्तान नहुँदै सो अवधिको म्याद बढाउन बोर्ड समक्ष निवेदन दिन
सक्नेछ ।
(३) उपनियम (२) बमोजिम निवेदन दिएकोमा निवेदन व्यहोरा मनासिव देखिएमा
बोर्डले परियोजना कार्यान्वयन गर्न प्रारम्भ गर्ने उपयुक्त अवधि बढाउन सक्नेछ ।
(४) उपनियम (२) बमोजिम निवेदन नदिएमा वा उपनियम (३) बमोजिम बोर्डले
अवधि नबढाएमा त्यस्तो अनुमतिपत्र स्वतः रद्द हुनेछ ।